KYUNNNN......????

Kuch khayaal mann me baar-baar umadte hain.Kuch baaten hoti hain jise hum dil me daba to lete hain par apne khayaalon se bahar karne me asafal rahte hain,or na hum unka jawaab dundh pate hain.

Jindagi me har ki koi na koi chahat hoti hai jaise:-businessman banke khoob paise kamana,desh ki sewa karna,naam kamana,filmstar banna...wagarah-wagarah.Jinki chahat sacchi hoti hai,jinke sapno me udaan hoti hai,junoon hota hai,wo apne gantawya ko hasil karne ke liye kuch bhi kar gujarte hai,unhe apni mazil ke siwa apni bhi sudh nahi hoti,or wo jeet bhi ajte hai,lekin khud ko sayad kahin kho dete hain,jahan se wapas aane me kafi kathinae hoti hai.

lekin me hamesha is natize par aakar ruk jati hu ki aakhir ek din to sabke jiwaan me aisa aaega hi jis din unhe is duniya se vida lena hoga,toh phir jarurt se jyada paise hasil karne me,apna naam kamane me or dusro ko jalane me log apni puri jindagi ki urza kyun barbaad karte hai.....???

AAKHIR KYUN KARTE HAIN LOG AISA.......?

Kuch aisa kyun nahi karte jisse sabki bhale ho,jo karne se kisi ki jarurt puri ho.or haan,hum kabhi-kabhi ye bhi sochte hain ki "agar hum ye karenge to hamare desh ki bhalae hogi".

me puchti hu,Aisa kaisa bhala, jo ki dharti ki kuch laqueeron tak he seemit hai,kya uus laqueer ke aage rahne wale log inssan nahi hain ya insani nasll ke nahi hain.....????

In baaton ki uljhan ek or sawal ko samne pados gae...."hum naam kyun kamana chahte hain...???".kya apni imaandaar nazar kafi nahi hoti khud ko asli khushi dene ke liye...?aakhir hume kyun chaiye hota hai dusron ka nazariya,jo ki hamare prati hai?

Me puchna chahungi,kya ye sach nahi ki dusre ki soch ke bare me janne ki kosish karte karte hum khud ko unki he soch ki tarah bana lete hain or apne asli astitwa ko hamesha ke liye khatm kar dete hain....?

kab khulegi hamari aaankhen,jb hum khud ko khud ki he aankhon se dekhenge or sabko na sirf  apna manenge,balki es apnepan ke riste ko nibhayenge bhi.....???

AAKHIR KAB HOGA YE SAAB....???????